The fend in fyht us fynt so feynt, we falleth so flour when hit is frore, Wo him wes y-warpe zore, To queme Crist we weren y-core, ant kend ys craftes forte knowe; Leve we nout we buen for-lore, in lustes thah we lyggen lowe; We shule aryse ur fader byfore, thah fon us fallen umbe throwe, To borewen us alle he wes y-bore, this bounyng when him bemes blowe, he byt us buen of hyse; Ant on ys ryht hond hente rowe, wyth ryhtwyse men to aryse. V. [Fol. 63, ro.] ICHOT a burde in a bour ase beryl so bryht, Ase onycle he ys on y-holden on hyht, Ase emeraude a-morewen this may haveth myht. The myht of the margarite haveth this may mere, For charbocle ich hire ches bi chyn ant by chere. Hire rode is ase rose that red is on rys, The primerole he passeth, the parvenke of pris, He is blosme opon bleo brihtest under bis, He is papejai in pyn that beteth me my bale, Muge he is ant mondrake, thouh miht of the mone, Trewe triacle y-told with tonges in trone, Such licoris mai leche from lyve to lone, Such sucre mon secheth that saveth men sone, Blithe y-blessed of Crist that bayeth me mi bone, With gyngyvre ant sedewale ant the gylofre. He is Medierne of miht, mercie of mede, Trewe ase Tegen in tour, ase Wyrwein in wede, Ase Wylcadoun he is wys, dohty of dede, Cud ase Cradoc in court carf the brede, VI. [Fol. 63, vo.] BYTUENE Mershe ant Averil when spray biginneth to springe, on hyre lud to synge; icham in hire baundoun. An hendy hap ichabbe y-hent, From alle wymmen mi love is lent On heu hire her is fayr y-noh, hire browe broune, hire езе blake; With lossum chere he on me loh ; with middel smal ant wel y-make; Bote he me wolle to hire take, An hendy hap, etc. Nihtes when y wende ant wake, for-thi myn wonges waxeth won; Levedi, al for thine sake longinge is y-lent me on. In world nis non so wyter-mon Hire swyre is whittore then the swon, ant feyrest may in toune. An hendy, etc. Icham for wowyng al for-wake, wery so water in wore; Lest eny reve me my make, ychabbe y-3yrned zore. Betere is tholien whyle sore, Then mournen evermore. Geynest under gore, herkne to my roune. An hendi, etc. VII. [Fol. 63, vo.] WITH longyng y am lad, that semly forte se; levedi, thou rewe me, To routhe thou havest me rad; Be bote of that y bad, My lyf is long on the. Levedy, of alle londe broht icham in wo, Have resting on honde, sone, er thou me slo; my reste is with the ro: Thah men to me han onde, To love nuly noht wonde, ne lete for non of tho. |