XVIII. [Fol. 75, ro.] SUETE Jhesu, king of blysse, Myn huerte love, min huerte lisse, Wo is him that the shal misse! Suete Jhesu, min huerte lyht, Thou art day with-oute nyht, Thou zeve me streinthe ant eke myht, Forte lovien the a-ryht. Suete Jhesu, min huerte bote, Suete Jhesu, min huerte gleem, Suete Jhesu, thi love is suete, Wo is him that the shall lete! Tharefore me shulden ofte the grete, With salte teres ant eze wepe. Suete Jhesu, kyng of londe, Thou make me fer understonde, That min herte mote fonde, Hou suete bueth thi love bonde. Swete Jhesu, loverd myn, My lyf, myn huerte, al is thin, Suete Jhesu, my soule fode, Suete Jhesu, me reoweth sore, Gultes that y Tharefore y ha wrotht 30re; bidde thin mylse ant ore, Merci, lord, ynul na more! Suete Jhesu, loverd God, Thou me bohtest with thi blod, Out of thin huerte orn the flod, Suete Jhesu, bryht ant shene, Y preye the thou here my bene, Thourh ernding of the hevene quene, That my bone be nou sene. Suete Jhesu, berne best, With ich hope habbe rest, Whether y be south other west, The help of the be me nest! Suete Jhesu, wel may him be, Suete Jhesu, hevene kyng, Suete Jhesu, al folkes reed, The under-fonge in fourme of bred, Ant seththe to heovene thou us led? XIX. [Fol. 75, vo.] JESU CRIST, heovene kyng, zef us alle god endyng, that bone biddeth the; At the biginnyng of mi song, in stude al wher Ꭹ thou have merci of me. This ender day in o morewenyng, With dreri herte ant gret mournyng, on mi folie y thohte; One that is so suete a thing, That ber Jesse the hevene kyng, merci y besohte; Jhesu, for thi muchele myht, Thou graunte us alle hevene lyht, that us so duere bohtes; For thi merci, Jhesu suete, Thin hondy werk nult thou lete, that thou wel zerne sohtest. Wel ichot, ant soth hit ys, bote care, serewe, ant pyne; Tharefore ich rede we wurchen so, That we mowe come to the joye withoute fyne! XX. [Fol. 75, vo.] WYNTER Wakeneth al my care, Nou this leves waxeth bare, Ofte y sike ant mourne sare, When hit cometh in my thoht Of this worldes joie, hou hit goth al to noht. Now hit is, ant now hit nys, Also hit ner nere y-wys, That moni mon seith soth hit ys, Al goth bote Godes wille, Alle we shule deye, thath us like ylle. Al that gren me graueth grene, Jhesu, help that hit be sene, Ant shild us from helle, For y not whider y shal, ne hou longe her duelle. |