Изображения страниц
PDF
EPUB

XXI.

Confirmacio David Regis de Regalitate quatuor burgorum.
(P. 468.)

David, Dei gracia, Rex Scotorum, omnibus probis hominibus tocius terre sue, clericis et laicis, salutem. Sciatis nos, per inspeccionem cartarum quas de progenitoribus nostris Regibus Scocie habent, religiosi viri abbas et conventus monasterii de Dunfermlyne, jura et libertates regalitatis sue, ac eciam burgorum suorum, plenius intellexisse. Nos eciam, pro salute anime nostre, et animabus omnium antecessorum nostrorum et successorum, dedisse, concessisse, et hac presenti carta nostra per modum perpetue declaracionis predictis religiosis confirmasse, quod videlicet burgenses et mercatores burgorum eorundem, in singulis burgis suis, scilicet Dunfermlyn, Kirkaldy, Muskilburgh, et Passagio Reginae, licite et libere emere valeant et vendere, ac eciam in ipsis burgis suis de quibuscunq. bonis et undecunq. venientibus, et infra omnes metas, fines, et terminos tocius regalitatis ipsorum religiosorum, per totum regnum nostrum, mercaturas suas juste exercere, tam de lanis, corijs, et pellibus, quam de aliis mercimonijs quibuscunq. absq. impedimento ministrarum nostrorum seu burgensium nostrorum quorumcunq.; ita tamen quod metas et terminos dictorum burgorum suorum vel regalitatis sue antedicte, in premissis non excedant; salva nobis semper magna custuma de lanis, corijs et pellibus, et ceteris mercaturis crescentibus, extra metas et bondas dictorum burgorum et regalitatis supradicte; Inhibentes firmiter ne aliqui homines nostri, burgenses vel mercatores de quibuscunq. burgis nostris, seu quive alij homines burgenses aut mercatores aliorum quorumcunq., in prejudicium dictorum religiosorum aut suorum burgensium vel burgorum, aut enervationem presentis declaracionis nostre et confirmacionis infra terminos regalitatis eorundem jus vel potestatem mercandi seu premissa exercendi in futurum, sibi presumat aliqualiter usurpare. In cujus rei testimonium presenti carte nostre sigillum nostrum precepimus apponi. Testibus venerabilibus in Christo patribus Will'mo Episcopo Sancti Andree, et Patricio Episcopo Brechinensi, Cancellario nostro; Roberto Senescall. Scotie, comite de Stratherne, nepote nostro; Will'mo Comite de Douglas; Roberto de Erskyn, Camerario nostro; Archibaldo de Douglas, et Johanne Heris, militibus, apud Edinburgh, vicessimo quarto die Octobris, anno regni nostri tricesimo quarto.-Chart. Dunferm. fol. lxb.

XXII.

Inter Abbatem et Conventum et Communitatem de Dunfermlyn. (P. 490.)

Haec indentura apud Dunfermlyn confecta, decimo die mensis Octobris, anno Dni mill'mo ccc nonagesimo quinto, inter venerabilem patrem Johannem, abbatem monasterij de Dunfermlyn, ipsiusq. conventum ex parte una, et Aldirmannum ac communitatem burgi de Dunferm. ex altera, plene testatur, Quod dicti D'ni Abbas et conventus locaverunt, et ad firmam dimiserunt, in perpetuum, prefatis Aldirmanno et Communitati, omnes reditus dicti burgi ad eorum scacarium pertinentes, cum parvis custumis, stallagijs et exitibus curiarum, ac totum burgum in plena libertate, cum omnibus suis commoditatibus, rectitudinibus, juribus et aysiamentis quibuscunq. ad eundem burgum spectantibus, seu spectare valentibus, quoquomodo in futurum, adeo libere in omnibus et per omnia, sicut aliqui burgenses D'ni regis aliquem burgum in regno de dicto Dn'o Rege ad feodi firmam tenent, habent, aut possident, salvis dictis D'nis abbati et conventui terris in dicto burgo lucratis sive lucrandis, itinere camerarii, annuis pensionibus de diversis terris dicti burgi monasterio debitis, ac correctione ballivorum quociens contigerit eos aut eorum quemlibet in jure seu in justitia facienda sive exequenda delinquere. Pro quibus quidem superius concessis predicti Aldirmannus et Communitas solvent annuatim in perpetuum memoratis religiosis x et tres marcas usualis monete ad quatuor anni terminos consuetos, per æquales porciones, sine dilatione, cavillacione, dolo, seu malo ingenio, et si contingat eos in aliquo terminorum prenotatorum de prescripta summa, ut premittitur, in parte vel in toto deficere, quod absit, obligarunt se, omnia bona eorum communia, quibus pro parte vel pro toto non sufficientibus, omnia bona eorum specialia, ac eorum possessiones, ad voluntatem prefatorum religiosorum fore namanda capienda et distringenda, donec fuerit eis de dicta summa dampnisque et expensis, si que vel quas prelibati D'ni Religiosi sustinuerint vel fecerint, occasione pretacte solucionis in aliquo terminorum prenotatorum ut premittitur non facte, plenarie satisfactum. In quorum omnium testimonium parti hujus indenture penes religiosos D'nos abbatem et conventum remanenti, sigillum commune burgi de Dunferm. est appensum, parti vero remanenti predictis Aldirmanno et Communitati sigillum commune capituli præfatorum religiosorum est appensum, die et loco et anno supradictis.-Chartular. Dunferm. fol. cxii.

Rr

INDEX.

« ПредыдущаяПродолжить »